L’E’ PROPRIO ‘NA FESTA

(i çinque animài che fa felice la dòna)

Se ciama el can col nome de amico,

ghè sempre ‘na caréga

par el gato parón de casa:

guardando le bestie

se capisse quanto le val

ne la storia de l’omo

che co’ l’ocio el ingrassa el caval.

Ma anca la dona

gà le só simpatie

de çinque animài

par óje e manie

(se no ghè mal de testa);

e quando i gh’è tuti

l’è proprio ‘na festa:

‘n giaguarìn da tègnar in garage,

‘n visón da métar su le spale,

‘n toro da compagnia,

‘n usèl co’ ‘n po’ de morbìn

e sempre pronto a cantar

e par finir ‘n musso

che tase e pensa a pagar.