NEI BRASSI DE MARIA, COME EL PAPA

El s’à messo nei brassi de Maria,

el Papa non ‘l gà dito “se” o “ma”

e quando è rivà l’ora de ‘ndar via

par l’ultima olta el l’à ciamà

quasi slongandose con le man:

éla la se l’à streto tuto al cor

come tolendolo su pian pian,

come l’avéa fato col Signor.

De Madone ghé n’è una sola,

anca a Fagnan ghe n’émo una

me se a éla el pensier no’l vola

sémo come ‘n butìn ne la cuna

che pianze forte e se sgola

ma gnissuni scolta… e i oci ‘l straluna