LE PAROLE DEL PAPA… MA TASO

Dèsso che l’è morto

se ricorda quel che l’avéa dito,

poche parole che riporto

da TiVù, da giornai, da ogni sito.

“Aprite, spalancate le porte”

quanti ani che è passà,

quante robe roèrse e storte

… e nó l’émo mai scoltà!

“Mai la morte, sempre la vita,

sempre la pace e mai la guerra”

… nó émo contà le olte ch’el l’à dita

sta frase fin che l’éra su sta tera

… e mi qualche olta l’ò anca scrita,

ma taso… parché la gola mé se sèra.