LA PONTA DE L’UCIA LA PONZE … LE B. V.

La pónta de l’ucia la pónze

quando nel malfàto  la s’impégola

e no ghè ojo che ónze

el sigàr de ‘na ranéla che sfrégola.

Da sempre la satira e l’ironia

le bastóna el vìssio e le monàde:

ridéndoghe sóra, le pónze e le méte via

tute le bale e tute le vacàde.

Mi son fato a la vecia maniera

e no m’intendo de le Bi Vi,

ma la me péna l’è sempre sincera

e la scrive quel che ghé digo mi:

no m’importa de Bale Varie, l’è vera,

a tuti ghé voi ben, ma son fato così!