LA  COMPÌSSE  I  ANI

(Vinti Setembre 2006: el compleano de me mama)

So 'ndà a catàr la me vecéta,

la compisse i ani e l'è tuta 'n campana,

la par sempre più 'na buteleta,

sempre più picola che la par ‘na nana.

No l'è mai sta granda, a dir la verità,

ma l'èra mòra e piena de cavéi,

l'era tuta nervo e vivacità,

ma tuto passa e i ani... anca quéi.

I fioi cresse e s'imbianca le mame,

l'è la storia de tuti quanti,

anca le foje se destàca da le rame

e i malani jè sempre tanti:

fin che ghè fià no se dise "ame"

ma se ten duro e se va avanti!

AM

20 Settembre 2006