GHERA ‘NA OLTA NA VECIA CAREGA

Ghéra ‘na òlta ‘na vecia caréga

che gà più de sént’ani de storia

e da un po’ de tempo ormai se strapéga

‘na fòla che gà da fenìr … e fenìr in gloria.

‘na carega ndò sa sentà tanti preti

che a fòrsa de scoltàr pecati jè zà santi

parché jà alzà sui siori e sui poareti

la man che assolve e perdona tuti quanti.

Ma, sé cambia i tempi e anca le usanze,

i veci pecati come tarme ndé la caréga i resta

e i devénta fastidiosi come le buganze:

ci se senta su che la caréga secór… el s’impèsta.

Mejo rimétàrla al so posto sensa scusanze

chéla benedeta carega …e sensa farghe la festa!