“GAUDIUM MAGNUM” CHE PAROLONA

"Gaudium magnum", che parolona!,

l’à sbrajà el Cardinal a tuta osse

a quei che co’ in man la corona

a san Piero i le spètàa soto le gósse.

L’è lu, proprio el Tedesco,

quel ch’i Cardinai à élèto:

èco el vecio ma ancora fresco

Papa de Roma e nostro… Benedeto.

E i l’à fato anca con premura

come par dirghe a quei de casa nostra

che se l’è fato ben el dura

quel che se fa sensa métarse in mostra

e se ghè sincerità sicura

tuto gira come ‘na bèla giostra.