AL PRIMO DEL MESE

Quando l’è el primo del mese

giro ‘n’antro fojo del me lunario

e anca mi, come tuti quei che lése,

désgràno pian el me rosario.

Gò n’antra ocasion da no butàr via,

de catàr ‘n poca de fortuna

e nó restar co la malinconia

e col naso in su a guardar la luna.

E a fine mese farò el conto

d’aver sbaglià la mira,

ma sarò ancora pronto

a zugar al loto ‘na vecia lira,

come s’el vento del destin più sconto

mi savésse da che parte el tira.